حوصلہ افزائی

تورکہو غیور رویانتین سوم ہوستی سلام کومن پیسا کامرانیاں دعو آوا صبح و شام کومن پھرتامی ثبوتو پیسا چھتراری قوامان موژی گانور تان حقو غیرتہ پیسا احترام کومن ہردی مہ ݯھمورن مُدم کیا چارہ دی نیکی خور پیسا ہش تکلیفہ پوشی آوا کھیو آرام کومن ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جُست پیسا سوم گیاک مکالہ لوٹ اویر میدانہ بوئے تاروسی کیا پنجہ اخیر سانجیر کوس گردنہ بوئے محروم تان سورو مو جوݰور اللّٰہ مہربان باچھا آنگاہ چھتراریان بخت کیا نو کیا داورانہ بوئے اسپا چھانی روڈ ساوز ہوئے ای مسہ اوپھوئی بغائے ہسے ایم پی اے غائب ہوئےایم این اے دی کوئی بغائے یئ نیسیر قسمتو یور غمو کھوٹ پَچھانی بیر آف نیسی دنیو پاشیسی ہجرو کی ݰا چھوئی بغائے انوسی سفر کوروسیان تان کہاکی کفن بوتاو وخت بدل بوئے راہ دی بونی موٹر دی شرانہ بوئے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گل بون کوری کہاکہ دیکو آف بی تپاچک بومیان اسپاتین دی شوم ساریران پیسا دی ایسپوک بومیان نغرہ پیسا حقہ دوسیان منتخب رہنما ریسیان کھارو گلسمبار کی ریسیان ادرخو پھیسپوک بومیان ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ہانسین براداشت نو کوسی ہیچ کیا گنجائش نکی اڑغانی پیسان گانی بعائے کورمو پیمائش نکی اسپا اختجاج نو کوسیان پیسات التجا کوسیان اسپاتین روڈان ساوزاور خور کیا فرمائیش نکی دھمکی دومیان تان عوامو گانی پروٹوکول پیسا اسپا سوم پیسار غونا پھو پھوک دی اسائش نکی گیور گیتی بشار دی گانور کاندوری مجبور اسپا اسپاتین راہ سیر نیزور خور اسپا کیا خواہش نکی مجبور بیتی یو نیسانی کورمان تان ژاغین پیھچی تان حقو مݰکیسیان اسپا ہیرا کوس سازش نکی غریب نانو دورو اولیئک ہانی لوٹ مُوشی نو وا پھونیکوت جہان ته پروشٹی نانو رہائش نکی حلف گنی اف نیسیتاؤ کورمن کوم رے شوت چھوئی ہے کورمان کوریک تہ فرض، تاتین گزارش نکی با شغور رویان کوچاہی تختہ مختہ نو بونی تان نامو تحتیو سار شوم خور کیاغ نمائش نکی پوسٹان بیزیمنیان راؤ نو جوانان شکست بونیان غربت پڑغیچھی پیڅھی شیر کوسوم سفارش نکی عبید فلک