مشقولگی

مشقولگی. اے مالک عرش فرشہ پتی شیر تہ اختیار. تو دوم کی ریتاؤ کیہ نس تہ سوم ہر ای کیاغ تیار. ایوالیوت دیرو ایوالیو سوم نو بوئے برابر. تو دوم کی ریتاؤ کیہ نس تہ سوم ہر ای کیاغ تیار. تت رے اسیتم دیتی تتے ہیہ زندگی. ہمیش نو بہچور ہیہ تہ سوم بوئے ہیہ فانی. ایوالی کی ہائے ایولی بیر بویان کا کیانی. البتہ بونی ای دربتوت بیرو اشک بار. ہݰ رے اسوم دی دوم کی ریتم ہر کیاغ شیر تیار. تو تروئے بیشیر جوش نن گینان سار دی زیاد رحیم. ہݰ رے اسوس کی ہر اشناریو بو غورا لاڑیم. بیردوؤ کوم زندہ مہ کوروم پاک تازو مریم. دیرو تت امانتو اوا تان اچی گنیم. ہیہ حقیقت کا دی نو بوئے حل بیکو درونگار. تو دوم کی ریتاؤ کیہ نس تہ سوم ہر ای کیاغ تیار. او تہ زمہ وار رے اسوم تہ کوری پیدا. تت پتہ حقیقت ای انوس تہ بیلیک فنا. صحیح شیر محبت مہ تہ سوم ہسے بے پناہ. سوزیرو مہ نظام تہ پروشٹہ یہ غیر جانب دار. ہݰ رے اسوم دی دوم کی ریتم ہر کیاغ شیر تیار. جم نو اوشویا اژیکو سوم ہوسیرا ای څیق. ہتے تکلیفہ ننو مُختو لوڑیرا ای څیق. ہتے انوس دنیو فلسفہ توریرا ای څیق. ہیہ کیچہ ڈنگ ژونی انسان ہر کھیوتے تیار. تو دوم کی ریتاؤ کیہ نس تہ سوم ہر ای کیاغ تیار. دنیا تہ کیہ وجود نو شیکہ تت پریتم وجود. تو ہوݰ کوروس مہ ہوݰ کوریکو ہیس مہ لوٹ ثبوت. تو شکر کورے مہ سوم بیتی سر با سجود. مہ بو صفاتان موژی شیرو ای صفت قہار. ہݰ رے اسوم دی دوم کی ریتم ہر کیاغ شیر تیار. ای دوری ہوسیک ای دوری غم ای دوری لہاز. لو دیت کی متے کیاغ بوئے ہیرا ہمو اچہ راز. بار بار لوڑاوا پھوک ݮھوماکو روح کویان پرواز. کندوری بانی غیچ پوشاوا نو ہوئے کیاغ دیہکار. تو دوم کی ریتآؤ کیہ نس تہ سوم ہر ای کیاغ تیار. مہ ہوݰ نو کوسان و دی ہیتان لوڑی سوال گار. کیوت کی ہوئے مہ حکم تتے کیاغ نو بوئے دیہکار. گنیرو امانتو اچی انگیتی مت دیار. بس ہانی اوشوئے ہیرا پتی دنیا تہ کردار. پشیمی لہازیار، دارار اوغ اوچہ بوختار. مالک اوا عرشو چہ فرشو شیر مہ اختیار. ہݰ رے دی اسوم دی دوم کی ریتم ہر کیاغ شیر تیار. #حمید_اللہ_مسرور